“Навейшая” гісторыя беларускай філармоніі пазначана яе капітальным аднаўленнем у 2004 годзе. Ад ранейшай філармоніі застаўся толькі фундамент будынку. Начынне філармоніі,- ад пазалочаных дэталяў на дзвярах да аздаблення Вялікай залы – адпавядае самым сучасным стандартам і тэхналогіям. Паляпшэнне якаснасці патрабавала скарачэнне колькасці месцаў у зале. Цяпер, замест ранейшых 800, ён разлічаны на 688 месцаў. Але гэта кампенсуецца адкрыццём у будынку філармоніі другой, Малой залы на 200 месцаў, які носіць імя Рыгора Шырмы. Музычнае жыццё ўсяго свету развіваецца ў часе і прасторы культуры па складанейшай дынамічнай партытуры.Тонкія вібрацыі індывідуальнага таленту ўзаемадзейнічаюць з прадвечнымі традыцыямі і ўзаемна узбагачаюць адзін аднаго Памкнёнасць да высокага і духоўнага – надзвычайная ўласцівасць чалавечай душы. Музыка - вялікі дар чалавеку. Музыка –лепшая частка нашай існасці. Дзейнасць філармоніі, яе жыццяздольнасць і запатрабаванасць, яе прыарытэты і сістэма каштоўнасцяў – ёсць адбітак, адлюстраванне нашага агульнага жыцця, нашага побыту, складу мыслення і спосабу існавання. Мы такія, якія нашы памкненні. Мы такія, якія нашы захапленні.

1 2 3 4 5